34 pertsona salbatu zituen Aita Marik uztailean Mediterraneoan, Libiatik gertu egin zuen erreskatean. Eskifaian 14 pertsona, horien artean Isa Egiguren kazetari boluntarioa. Pasaian bi asteko prestakuntza egin ondoren eta baimen guztiak eskuratuta itsasora atera ziren uztailaren hasieran. Erakunde desberdinetako 20 bat itsasontzi ari ziren lanean Mediterraneo zabalean, ere koordinatuan, pateretan ateratzen ziren errefuxiatuei laguntza emateko.
Uztailaren 14ko gauan, San Ferminetako Gaixoa ni kantatu ondoren, iritsi zitzaien erreskatea egiteko unea. Begien aurrean 34 pertsona zeraman patera txiki bat eta inguruan ustez Libiako mafietako hiru barku gizon armatuekin. Kapitainak haiekin hitz egin ondoren lortu zuten erreskatea burutzea eta bost egunen ondoren Ravenako portura onik eraman zituzten. Oso istorio gogor eta hunkigarriak ezagutzeko aukera Isa Egigurenek azaldu bezala.
Gero eta gehiago dira errefuxiatuei jartzen zaizkien trabak eta gogorra ere Europak duen jarrera gero eta itxiagoa.
