Iruñeko Ingurumen Heziketarako Museoak familientzako ateraldi bat antolatu du euskaraz, Argako arrainen laginketa bat egiteko Nafarroako Gobernuaren Basozainen laguntzarekin. Arrainen laginketak egiteko arrantza elektrikoa erabiliko da. Horri esker, espezie autoktonoak, exotikoak edo inbaditzaileak aztertu eta identifikatzen ahalko dira. Saioa 11:00etan hasiko da Bergeleko zubian eta parte hartzeko izena eman behar da, doan, 010 telefonoan.
Roberto Saiz basoziana izanen da bisitaldiko gidaria. Berak Irrintzi Plaza saioan azaldu digunez, jarduera honek aukera emanen du espezie exotiko inbaditzaileak sartzeak eragindako problematikaren inguruan sentsibilizatzeko, hori baita biodibertsitatearen galeraren arrazoi nagusienetako bat, ibai-ekosistemetan batez ere.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
