"Aldatu aurretik" izena izanen du pop talde gipuzkoarrak Durangoko Azokan aurkeztuko duen bere bigarren diskoak. Bi kanta plazaratu dituzte jada, "Zure Begi Horiek" eta "Zurekin" eta zaleen harrera beroaz pozik ageri da Tom Lizarazu taldeko abeslaria Irrintzi Plaza saioan.
2020an lehen kanata plazaratu zutenetik gauza asko bizi dute Bulego taldeko partaideek. Pandemia garaiko emanaldi bereziak, lehen diskoa eta lehen bira handia. Orain Tomas Lizarazu, abeslaria, Xabier Arrieta, bateria eta Ruben Lizarralde, gitarra berriro datozkigu haien estudioko bigarren lanarekin, haien azken bira amaitu berritan: Japoniako Osaka, Kobe eta Kioto hirietan, Madril, Bartzelona eta Bilbon izan dira berriki.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
