Aurten 20 urte beteko dituen Baztango Gaitariak taldeak Disko-liburu bat plazaratu du 'Espartinen Ahaireak'. Bertan, gaitaren historia eta Baztanen izan duen presentziaz gain, berreskuratu eta bildu dituzten musika piezak ere aurkituko ditugu. Mikel Ortegak azaldu digu hau dena Elizondon egin dugun irratsaio berezian (H)ilbeltzaren hasiera dela eta.
Hogei urte baino gehiago igaro dira txistulari talde batek, Jo ala Jo kultur taldeko kideek, gaita jotzen ikastea erabaki zuenetik, bailarako plazek Nafarroan hain errotuta dagoen instrumentu honen doinua berriro entzun zezaten, eta bere notetatik eratorritako dantza tipikoak berriz har zitzaten. Handik gutxira Baztango Gaitariak jaio zen. Hogei urte hauetan gaitak lekua izan du pixkanaka festetan, dantzetan, baztandar folklorean.
Ospakizunak girotzeaz gain, Baztango Gaitariak taldeak urteak daramatza gaita-jotzaile berriak sortzen, gaitaren jarraipena ziurtatzeko eta gaitaz gozatzen jarraitu ahal izateko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!