Bernardo Atxaga, Imanol Rayo eta Begoña del Teso ostiral honetan Iruñean

Euskalerria Irratia 2022ko ots. 24a, 20:11
Deskargatu Info Ahotsak :

Golem Yamagutxi zinema aretoan, 19:00etan eskainiko da duela 10 urte Imanol Rayo arbizuarrak estreinatu zuen "Bi anai" filma. Solasaldia eginen da ondoren Bernardo Atxaga eta Begoña del Tesorekin, Nafarroako Ateneoak antolatutako Nafarroako Euskarazko Film zikloaren barruan. Imanol Rayo izan da #IrrintziPlaza saioan. 

BI ANAI

Ezkutuko herri batean bizi diren bi anaiaren historioa kontatzen du. Txikitan umezurtz geratu ziren, eta, gainera, batek adimen urritasuna du. Zoritxarrez beteriko bizitza izan dute beti, eta aita hiltzen denean, gazteenak bere anaiaren ardura hartu beharko du.

Imanol Rayo 

(Arbizu, 1984) Andoaingo Zine eta Bideo eskolan ikasi zuen zinema zuzendaritza, eta idazketa zinematografikoa Urnietan, Michel Gaztanbiderekin.

2011n bere opera prima zuzendu zuen: izenburu berdina duen Bernardo Atxagaren eleberrian oinarritutako Bi anai film luzea, aurrenekoa, Donostiako Zinemaldian Zinemira saria jaso zuena. 2019an Miren Gorrotxategiren 33 ezkil eleberrian oinarritutako Hil Kanpaiak grabatu zuen. 2020ko Zinemaldian lehian egon zen filma, Zuzendari Berriak sailean.

Kultura

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea