Geltokin bor-bor ari dira egun hauetan lanean. Pandemiaren murrizketak kenduta jo eta su ari da telefonoa joka otorduetarako erreserbak egiteko. Eta honetaz gain aurrera doaz haien ohiko programazioarekin. Aste honetako ostegunean eta Arropa garbia kanpainaren barruan inauterietarako mozorro tailerra eginen dute arratsaldeko 18.00etan. Ideia faltan daudenek edota jantzi edo osagarrien beharra dutenek han aurkituko dituzte Emauseko Trapuketariek Berriozartik ekarritako jantziak eta proposamenak.
Ostiralean berriro gastro-showa eginen dute Garawi CJ aktorea eta Otxakain gaztandegiko ahuntz esnekiekin
Eta asteari bukaera emateko beste bi proposamen larunbat goizerako, publiko osoari irekiak eta doan: Repair kafea , etxean matxuratuta ditugun gailuak konpontzeko tailer irekia eta erne: argindar faktura irakurtzen ikasteko tailerra, Goienerreko teknikariekin.
Katrin Ginea Geltokiko koordinatzaileak azaldu digu Irrintzi Plaza nolako proposamenak diren hauek.
Gastro-showa
“Corazón, porque rima con Melón”
Otsailak 25 ostirala | 20.30etan | 20€
Garazi San Martin Boj iruindarra, Garawi CJ, aktorea, bakarrizketagilea eta sortzailea da, eta “Corazón, porque rima con Melón” ikuskizunean oso presente dagoen keinuen erregistro eta kontrol handiarekin, maitasun harremanez hitz egiten digu; maitasun erromantikoan nola hezi garen. Harreman heterosexualetan edo, hala badagokio, homosexualetan. Harreman osasuntsuagoak eraikitzera bultzatzen duen hausnarketa duen istorioa. Ziur bat baino gehiago identifikatuta sentituko dela, eta ziur ez duela inor axolagabe utziko.
Ekoizle gonbidatua: Sergio Cobo | Otxakain gaztandegia (Osakain)
