Zuntz optikoa Erronkarira iritsi da

Zuntz optikoa Erronkariko bailarara iritsiko da. Izaba eta Uztarrozen aktibatuko da sarea hil honen amaieran eta otsailetik martxora bitartean beste bost herrietara iritsiko da. Horrela, Nafarroako Pirinioetako ia ibar guztiek izanen dute kalitatezko internet zerbitzua. Eneko Eguiguren, Erronkariko Batzar Nagusiko presidentearekin mintzatu gara Irrintzi Plaza saioan.

Erronkariko Batzordeak kostoaren %20a ordaindu du eta Nafarroako Gobernuak gainerakoa, hitzartu zuten bezala. 

Adamo operadorearen eskutik iritsiko da banda zabala ibarrera. Konpainiak prentsa-ohar baten bidez jakinarazi duenez, Erronkariko bailarako bizilagunentzako seinalearen abiadura ADSLtik 1.000 Mb-ra pasatuko da, "Gaur egun merkatuan eskuragarri dagoen zuntz optikorik azkarrena", eta hori alde "nabarmena eta esanguratsua" da.