Auzoko lau ikastetxetako haurrek, hizkuntza desberdinak mintzatzen diren auzolagunek, merkatariek eta liburutegiak hartu dute parte Kontalariak Elkarteak antolatutako jaialdi honetan.
Fantasia da kultur ekimen honetako muina. Gianni Rodari idazleak fantasiaz zuen kontzeptua da Brif-braf-brufen oinarria, Maitena Muruzabal Kontalariak elkartzeko kideak azaldu digun bezala.
Munduaren Parkean, hau da Baso Fantastikoan zuhaitz kantariak aditu eta Garcia Galdeano ikastetxeko haurrek Mikel Belaskoain artistarekin sortutako izaki mitologikoak ezagutu ahal izanen ditugu.
Liburutegi ondoko Arriurdineta Plazan telefono kabina handi bat aurkituko dugu ipuinak aditzeko, eta Euskara Plazan jolas egiteko aukera haurrek beraiek prestatutako jokoekin.
Honetaz gain Miren Asiain Lora ilustratzailea hasia da, jada, Gares Plazan horma irudi erraldoia margotzen.
Hau dena Txantrea Fantastikoan, abenduaren 26tik eta urtarrilaren 8ra arte.
