Erasmus programarekin Austriara joan zen iaz Beñat Agirre eta aurten han gelditzea erabaki du alemana ongi ikasteko. Souvenir denda batean egiten du lan eta han sartzen diren pertsona guztiei COVID pasaportea eskatu behar die. Handik ere ikusten ditu ia egunero murrizketen aurka antolatzen diren protestaldiak. Bezero batzuen haserrealdiak ere jasatea tokatu zaio behin baino gehiagotan.
Austrian txertoak hartuta dauden pertsonen kopurua igo da azken asteotan eta orain %70koa da.
Beñatek azaldu digunez kasu askotan ez da aurkako jarrera dutelako, baizik eta utzikeriarengatik. Pandemiak eragin ekonomiko zuzenik ez dienez eragin, ez dute txertatzeko estuasun handirik sentitzen.
Orain Austrian bizi duten konfinamenduaz, pandemiaz, turismoaz, souvenirrez eta gaixotasunaz mintzatu gara Irrintzi Plaza saioan zientzialari gazte ultzamarrarekin.
