Heldu den urteko martxoan 40 urte beteko dira Foru Amejoramenduaren legea onartu zenetik, erdaraz LORAFNA bezala ezagutzen duguna.
Nafarroako lege nagusia politikarien artean adostu zen baina hiritarrek ez zuten horren inguruko bozkarik emateko aukerarik izan.
Hori dela eta Nafarroa 21 izeneko ekimen herritarra jarri da abian gure erkidegoaren etorkizunaz gogoeta egiteko. Ekimenaren aurkezpena eginen da ostiral honetan 18:00etan Kondestablearen jauregian.
Nafarroa 21 ekimenaren aurkezpen saioak egiten ari dira herriz herri eta otiral honetan Iruñearen txanda izanen da: arratsaldeko 18:00etan eta Kondestablearen jauregian, honen berri emanen digute Zaloa Basabek eta Sabino Cuadrak. Haiekin batera hainbat hiritarrek bi galderari emanen diete erantzuna: zu non zinen duela 40 urte eta non nahi duzu Nafarroa egotea 40 urte barru.
Mikel Soto da ekimen honetako partaidea eta berarekin mintzatu gara Metropoli Foralean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
