Uharteko Udalak kudeatzen du proiektua hasieratik, sustatzaile diren beste toki erakunde guztien ordezkari gisa.
Uharteko Udala arduratzen da lehiaketa bidez erredakzio eta edizio lanak esleitzeaz. Heda Comunicación enpresa iruindarra da hasiera hasieratik proiektu honetan dagoena, konkurtso guztiak irabazita.
Kolaboratzaileak ere oso garrantzitsuak dira Ze Berri?n: Mikel Belasko, Enrike Diez de Ulzurrun, Migel Angel Asian “Osio” eta Ekaitz Santazilia.
150garren zenbakia kaleratu berri du Ze Berrik. Mende laurden honetan ia 3.000 orrialde egin ditu eta hemendik aurrerako erronka euskarri digitalean ere edukiak eskaini ahal izatea izanen da, baina paperezko aldizkaria bazterrean utzi gabe. Horretarako, hala ere, ezinbestekoa dute Euskarabidearen inplikazioa.
Ana Mindegia Uharteko Euskara Teknikaria da eta berak azaldu digu Guardasola saioan zer den eta nola egiten den Ze Berri?
