COVID19 pandemiak argi utzi du gizaki guztiok elkarren menpekoak garela; munduko leku batean gertatzen denak planeta osoari eragiten baitio. Argi gelditu da, halaber, zer behar den krisi global honi eta bestebatzuei erantzuteko, hots, elkarlana, elkarrekiko laguntza, elkartasuna eta nazioarteko lankidetza. Funtsezkoa da horrelako politikak indartzea, krisiaren ondorio larriek milioika pertsonaren bizitza jo duten honetan; eta funtsezkoa da, halaber, aldaketak eragiteko, antzeko pandemiarik berriz ere ez gertatzeko.
Hori dela eta eta GKEen lana ezagutzera emateko antolatu dute kanpaina hau. Bultzatzaileak Nazioarteko Lankidetzarako Estatu Idazkaritza, Garapenerako Nazioarteko Lankidetzarako Espainiako Agentzia eta Garapenerako Erakundeen Koordinakundea, eta Nafarroan,Nafarroako Gobernua, Iruñeko Udala, Nafarroako Udal eta Kontzejuen Federazioa, eta Nafarroako GGKEen Koordinakundea dira. Hilaren 6an abiatu eta 12ra arte iraunen du.
Gaur Euskalerria Irratian Mugarik Gabeko Mayu Serreauk eta Nuevo Futuroko Oihana Itoizek haien lanaren berri eman digute.