SETEMek garapenerako formakuntza ikastaroa antolatu du

Euskalerria Irratia 2021ko ira. 6a, 10:21

"Transformatu, aldaketa zurekin hasten da" ikastaroa irailaren 18tik azaroaren 27ra arte eginen da. Helburua da munduan dauden bidegabekerien arrazoiak ezagutzea mundu justuago baten alde egiteko.

Ikastaroa Iruñean eginen da, Plazara gunean, larunbat goizetan.11 saio izanen dira, denera 48 ordu.

Ikastaro honetan lortutako ziurtagiriak aukera ematen du SETEMekin Europako boluntariotza batean parte hartzeko, EEK-Europako Elkartasun Kidegoa programaren barruan. Kontuan hartu behar da deialdi honetarako betekizun espezifikoak betetzen direla, hala nola 30 urtetik beherakoa izatea. Horrez gain eta Covid-19k eragindako osasun-krisiak aukera ematen baldin badu, Latinoamerikan Elkartasun Esparruetan egonaldiak burutu ahal izanen dira, eta han bertatik bertara ezagutu ahal izanen da beste komunitate batzuetako errealitatea, kasu honetan adinaren araberako mugarik gabe.

Ikastaroaren egitaraua hemen.

Maria Soto, SETEM-eko kidea izan dugu solaskide Guardasola saioan.

Gizartea

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.

Bazkidetu zaitez!

SETEMek garapenerako formakuntza ikastaroa antolatu du

Gertuko informazioa, euskaraz