Bere binilo bikoitzak, Konstelazioak, harrera ona izan ondoren, Euskal Herrian hiru kontzertu eskainiko zituela iragarri zuen talde nafarrak, lagunak eta jarraitzaileak biltzeko. "Ez dago zalantzarik guretzat bereziak izango direla, Kerobiarekiko gogo handia ikusi dugu eta hiru kontzertu hauek, eta bereziki Iruñan, gure musika jarraitzen dutenekin topaketa izatea nahi dugu", eta beraiek dioten bezala, "Kerobiaren konstelazioa marrazten jarraitzeko". Sarrerak bere webgunean daude iada eskuragai: www.kerobia.com.
Berezko profila duen bide baten kronologia
Zortzi urte baino gehiago dira taldeak eszenatokietan jotzen ez duenetik, 2017ko Hatortxurocken eskaini zuten kontzertu sorpresa bat izan ezik. "Energia faltagatik utzi genuela esan genuen, eta orain berriz gatozela diogu, daukagulako" dio Bandinik.
Nafarroako taldea 2001ean sortu zen. Laster sortuko zituzten beraien lehen bi maketak Paradisua bezalako kantekin. 2003an, Gaztea Maketa Lehiaketaren saria irabazi zuten nafarrek, eta GOR diskoetxearekin lehen diskoa argitaratzeko aukera eman zien.Hiru urte beranduago Kerobiak erakutsi zuen zein bidetatik egin nahi zuen bere ibilbidea Rose Escargoten unibertsoa sortuz. Esnatu naiz bezalako kantak proposatu zituen taldeak eta ordurako pop ekoizpen bizia, indartsua eta axolagabe gutxi utzi zituena utzi zuen. Gero, Kerobiaren Trilogia etorriko zen, edukiontzietan oinarritua: Materia organikoa eta gainerakoak (2008), Papera eta kartoia (2009) eta Ontziak (2010), bere zigilupean eta creative commons lizentziekin. Azkenik, Supernova (2012) lanak, Birak edo Zure pangaren hitzaldi kartografikoa bezalako kantak utzi zizkigun crowdfunding bidez finantzatzen aitzindaria izan zena.
Boskote nafarra Mikel Zorrilla baterian, Alberto Isaba baxuan, Ruben Matilla kitarran, Mikel Isaba teklatuetan eta Xabi Bandini ahotsetan dira.
