Aitor Merino: "Familia barruko maitasunaren testigantza utzi nahi izan dugu Fantasian"

"Fantasia" filma estreinatu du Aitor Merino iruindarrak Malagako zinema jaialdian. Duela sei urte familiak egindako itsas bidaia bateko irudi argitsu eta ederrek eta itzulitakoan hartutako eguneroko ilun eta arruntagoek osatzen dute kontakizuna. Iñaki eta Kontxi gurasoak dira protagonistak. Haien bidez denboraren joana, zahartzearen prozesua eta, batez ere, familia barreneko maitasuna ikusiko ditugu. Aitor eta Amaia Merino anai-arreba izan ditugu Irrintzi Plazan.