Nafarren eta beste leku batzuetako artisauen 35 erakusmahai jarriko dituzte Iruñeko Gazteluko plazan. Denetarik ikusteko aukera izanen da: egurra, xaboiak, bitxiak, buztingintza, oinetakoak, beira, burdingintza, larrua, ehungintza, lore lehorrak, oihalgintza... Horien artean Ioana Hernandez izanen da. Arte Ederretan lizentziadunak IO Zeramika artisau enpresa sortu zuen 2014an. Inoiz baino gehiago azoka ezinbestekoa duela aitortu du Irrintzi Plaza saioan.
Bere etengabeko bilaketan, artisau honek etengabe ikasten jarraitzen du, zeramikaren munduarekin lotutako hainbat teknikaren ikastaroak egiten. Prestakuntza eta esperientzia hori kalitate handiko piezetara eraman du da.
Ioanak sortzen dituen produktuen artean zeramikazko bitxiak, objektu erabilgarriak (katiluak, platerak eta pitxerrak) edo zeramikazko eskulturak eta muralak daude.
Naparlur artisautza kolektiboa duela 18 urte sortu zen, Nafarroako artisautza azoka berreskuratzeko asmoarekin. Aurten, erakusmahaiez gain bi tailer erakusgarri antolatu dituzte. Larunbatean sutegian gorritutako burdinekin ariko dira lanean Forgas Bruneko kideak; igandean, berriz, Iñaki Villanuevak egur eskulturak eginen ditu.