Covid-19ak ekarritako lehen hilabete gogor haietan bizitakoak jasotzea erabaki zuen Atarrabiako Udalak. Momentu historiko hori ondorengoei transmititzeko baliagarri izanen den dokumentala egiteko enkargua egin zion Labrit Ondareari eta haiek hamar pertsonen ahotik jaso dituzte gero harilkatu ditzuten testigantzak.
Gizarte zerbitzuetako langileekin mintzatu dira, haien lana inoiz baino beharrezkoagoa izan delako batez ere zaurgarriak ziren pertsonekin, edota harakina, apaiza, erizaina edota botikarioarekin aritu dira solasean.
Beldurra, kezka, itxaropena, bakardadea, elkartasuna eta kalera ateratzeko beharra izan dira bildu dituzten sentipenetako batzuk, Labriteko Arantxa Mikeok Irrintzi Plazan azaldu digun bezala.
