Bartzelonan bizi da Amaia Soria ilustratzailea, eta handik jarri du martxan euskal kultura eta kultura egiten duten euskal herritarren inguruko Noranahi proiektu komunikatiboa. Euskaldun gazteek zer egiten duten erakutsi nahi du, eta horretarako hamabostean behin haren inguruko lagunen bat elkarrizketatuko du, euskaraz eta gaztelaniaz. Ibai Ganuza artista izan da lehenenengo elkarrizketatua. Hurrengoa, berriz, Iruñe Astiz barañaindarra izanen da.
Ver esta publicación en Instagram
Elkarrizketen arteko loturak egiteko, atsotitzetara jo du Soriak. Elkarrizketatu bakoitzari bat eskatu dio, eta teoria bat ere garatu du: elkarrizketatuak aukeratzen duen atsotitzak gehienetan ongi deskribatzen du haren izaera. Berea aukeratu du Amaiak Irrintzi Plazan: "Ardoa, Nafarroako bikarioa".
