"Urtxintx urdinak" izeneko zahar etxean, beste askotan bezala, etekin ekonomikoa helburu duen lanaren antolaketak artatze harremanaren funtsezko gizatasunarekin talka egin du. Langileak egoitzaren 50 urteen ospatzeko besta handi bat prestatzen ari dira eta gobernuak Zahar Etxeen Osasun Inspekzio Erraldoia abiatu du eta noiz nahi goitik behera kontrolaturik izan daitezke.
Artatzaileen bitartez, irudimenezko zahar etxe baten istorioa kontatuz, gizarte osoa hunkitzen duen galdera hau pausatu dute: "Gure zaharrekin zer egiten dugu?". Zahartzeaz, menpekotasunaz, erabakiak hartzeko ahalmenaren galeraz mintzatzen da obra, umorea baliatuz, baina sentiberatasunez.
Gizakien tamainako txontxongiloen bitartez taularatuko dute, covid-arekin egunerokotasuna irabazi duen gaia lantzen duen antzezlana; eta zuzeneko musika ere izanen du emankizunak.