Gurelur talde ekologistak salatu du Nafarroako Gobernuko Ingurumen Kontseilaritza milaka azeri hiltzeko baimena ematen ari dela, inolako justifikazio teknikorik gabe. Iñigo Petrik eman digu honen inguruko informazioa.
Ehiztariek hiltzen dituzten espezie berberez elikatzen direla azeriak diote, eta horregatik ehiza barrutietako kudeatzaileei arte debekatuak eta gaitzesgarriak erabiltzeko baimena ematen diete. Hala ere, hilketa hauek justifikatzeko batere ikerketarik ez dela egin salatu du Irrintzi Plazan Iñigo Petri, Gurelurreko kideak. Azken urteotan, Ingurumen sailak 1.300 baimen baino gehiago eman ditu ohiko ehiza baimen orokorretatik kanpo, azeriak sarraskitzeko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
