Sadar futbol zelai berritua ikusteko bisita gidatuak egiten ari dira egunotan, hilaren 8az geroztik. Ordu beteko bisitak dira eta talde bakoitzean gehienez 17 lagunek har dezakete parte. Momentuz soilik bazkide direnek edota Osasunako jarraitzaile txartela dutenek aukera dute horretarako. Izena internet eman behar da osasunaren web gunean.
Orain arte euskarazko bisitak oso ongi joan direla azaldu digu Mikel Erbiti komunikazio taldeko kideak. 300 baino gehiago izan dira, egon diren guztien %10a.
Ikusleak harmarrietara partidoak ikustera noiz itzuliko diren orain ezin jakin, beraz bisita gidatuak aukera onena dira Sadar berritua ikusteko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.