Unitate didaktiko digitalak eta ahozko komunikazioa LHn, UEUk Iruñean sarri landuko dituen gaiak

Euskalerria Irratia 2021ko api. 13a, 18:15
Deskargatu Info Ahotsak :

Hezkuntza alorreko bi ikastaro eskainiko ditu UEUk maiatzean Iruñean, Nafarroako Gobernuarekin sinatua duen hitzarmenaren barruan: maiatzaren 8an eta 15ean, bi larunbat hauetan eta Jaso ikastolan, Lehen Hezkuntzan ahozko hizkuntza nola landu alde batetik eta bestetik unitate didaktiko digitalen diseinua nola egin azalduko dute.

Hizkuntzen irakaskuntza: ahozko hizkuntza lantzen LHn

Gure komunikazioaren %85a ahozko hartu emanen bidez egiten dugu, horregatik da horren garrantzitsua haurrak ahozko hizkuntzan trebatzea. Hori da Ainhoa Uriarte, ikastaro honetako irakasleak Irrintzi Plazan azaldu diguna.

 

Unitate didaktiko digitalen diseinua

Bestalde gero eta pisu handiagoa hartzen ari dira teknologia berriak ikasgelan. Ikasleen pentsatzeko eta ikasteko modutik gertuago daude unitate didaktiko digitalak, paper hutsa baino. Horregatik irakasleek formakuntza jaso behar dute lengoaia berri hauetan lan eraginkorra egin ahal izateko. Ikastaroa gidatuko duen IKTon kooperatibako Josune Arangurenek hori azpimarratu du Euskalerria Irratian. 

Bi ikastaro interesgarri, beraz, maiatzaren 8 eta 15ean egiteko, Jaso Ikastolan eta doan.

Izena emateko epea zabalik dago UEUren web gunean.

Gizartea

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea