‘Arkanbele kantak’ poema liburua argitaratu du Mikel Taberna, Alkaiagako idazleak. Bidasoa aldeko kontuak, gerra zibilekoak, ijitoei buruzko aferak eta bere haurtzaro eta gaztaroko oroitzapenak dira, besteak beste, olerkietan aurkituko ditugunak.
Arkanbelea intsektu bat da, kakalardo mota bat, tematia eta errebeldea omen dena, eta ‘arkanbelearen kanta’ esamoldeak, jada esandako horretara behin eta berriz itzultzea esan nahi du, Mikel Tabernak berak Irrintzi Plaza saioan azaldu digun bezala.
Arkanbelearen irudiarekin eta deskubritzeke dagoen mundu eta bizitzaren bilaketaz ari diren poemek osatzen dute iburuaren hasiera. Liburuaren hamaika ataletan azkena, aldiz, heriotzaren hurbiltasunari eskaini dio idazleak.
«Memoria pertsonaletik anitz» duten poemek begirada kolektibo bat ere osatzen dute, eta iraganetik ekarri ditu gaur egunerako balio duten gogoeta-gaiak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.