Korrika euskara sustatzeko ekinbide garrantzitsua izateaz gain, diru iturri handia ere bada helduen euskalduntzerako. Hori dela eta, aurtengo egoera ekonomiko zailari aurre egiteko, AEKk Bultza euskaltegiak bultza euskara dinamika jarri du abian.
Hiru ardatz nagusi izanen ditu honek: Euskal Herriko hiru administrazioei gutun bana bidaliko diete gogoraraziz haien laguntza eta inplikzioa beharrezkoak direla, bigarrenik: eragile sozialekin ere mintzatuko dira euskararekiko haien konpromisoetan urratsak eman ditzaten eta hirugarrenik jendearteari bere bultzada eta laguntza ekonomikoa eskatuko diote.
Hau dena kanpaina honen barruan eginen da, baina ez Korrikaren ordez, Alizia Iribarren AEKko koordinatzaile nagusiak Irrintzi Plazan argitu digun bezala.
Korrika heldu den urtean ospatuko dugu, onbidean, eta bien bitatean aukera izanen dugu, beraz, gure diru ekarpenak egiteko eta martxoaren 28an, Korrikak amaitu behar zuen egunean, alegia, hiri eta herri desberdinetan antolatuko diren ekitaldietaz gozatzeko.
