Abenturazko eleberri hauxe dugu Iñaki Irisarriren lehen lan luzea, botereen eta armen aurrean herritar xeheak galtzeko guztiak dituela gogorarazten diguna. Aurretik Iruñeko Udalaren Egile Berrientzako lehiaketan lehen saria irabazi zuen 1999, Narrazio Laburraren atalean "Hameka" izeneko lanarekin. 10 urtez itzultzaile profesionala izan da.
1811ko uda da; hiru urte badira Napoleonen tropak Iruñeko zitadelaz jabetu zirenetik, eta jendea nazkaturik dago frantsesak jasan eta elikatu beharraz. Hori dela-eta, gero eta gehiago dira Espoz Minak gidatzen duen gerrillarekin bat egiten dutenak, soldaduak behingoz Nafarroatik botatzeko. Hain zuzen, gerrillariekin elkartzera doa Babil, txirula jotzen duen mutiko xalo eta mutua, etsaiek aita hil diotela-eta. Erakusle ipiniko diote Txarro, gizonkote zakar eta basa, eta eginkizun berezia emanen diete, biei eta Bordeletik datorren Lauren gazte ilustratuari: mugaldera joatea, handik dabilen bidelapurra atzemateko, merkatarien joan-etorriak babestearren.
