Idazle gutxirekin konparatu daiteke Julio Cortazarrek izan duen eragina XX. mendeko nazioarteko literaturan, gaztelaniazko literaturaren historian eta fikzio laburraren esparruan; bain euskal literaturari dagokionez ere itzela da izan duen itzala. Horretarako zioak soberan topatu dituzte Deabruaren eskolako sustatzaile Mikel Sotok eta Irati Jimenezek.
March Fundazioak kudeatzen du egun nazioarteko Cortazarren liburutegia. 3.000 aletik gora dituzte gordeak eta tartean Gerardo Markuletak eramandako euskarazko bi liburu daude. Deabruaren Eskolaren sustatzaileen ustez, baina, abizenetik haratago, leku berezia dauka argentinarrak hemengo idazleen obran eta hori dela eta egindako lanekin osatu nahi dute liburutegia.
Lanen zerrenda egiten ari dira orain, eta udaberrian bidaliko dituzte. Beraz, Cortazarren lanen itzulpenik edota haren lanetan inspiraturiko testurik ezagutuz gero Deabruaren Eskolarekin harremanetan jartzeko eskatu dute. Horretarako deabruareneskola@gmail.com helbidera idatz daiteke edo Twitter, Facebook eta Instagram bidez jarri daiteke eskolarekin harremanetan.
