Euskal bikoiztaileen lan gatazka izan dugu hizpide Irrintzi Plaza saioan. EHBE Euskal Herriko Bikoizleen Elkarteko bikoiztaileak lanera itzuli dira, urtarrilaren 12an hasi zuten greba. Baina urrunagotik dator afera. Bieuse Bikoiztaile Euskaldunen Elkartekoek 2018ko irailean hasi zuten greba, eta greban jarraitzen dute. Egoera zertan den azaldu digu Bieuse elkarteko Iker Bengotxea nafarrak.
Bieuse elkarteko langileek lanuzteei ekin zietenean, EHBE elkartekoek lanean jarraitu zuten, bereziki Mixer enpresan (Bilbo). Lanuzteari amaiera eman diote orain, eskatutakoa lortu dutela iritzita. Bieuse Bikoiztaile Euskaldunen Elkartekoek, ordea, lanuztearekin jarraituko dute, elkartea sortu izanaren arrazoia lanbidea arautuko duen hitzarmen kolektibo bat lortzea delakoan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
