Erabilera-baldintzak eta pribatutasun politika eguneratu ostean Europatik kanpoko erabiltzaileen datuak Facebookekin elkarbanatuko ditu WhatsAppek. Euskal Herriko erabiltzaileen datuen partekatzeari ez dio eragiten eguneraketak. Sareetan hainbat erreakzio eragin ditu berriak, eta Telegram eta Signal aplikazioetako erabiltzaile kopuruak handitu dira.
Zertan da, beraz, eguneraketa? Aldaketa garrantzitsuena erabiltzaileen datuen partekatzeari dagokio. Europako herrialdeetan, hau da, Europar Batasuna, Europako Esparru Ekonomikoa eta Erresuma Batua salbu, WhatsAppek Facebookekin informazioa parteka dezan ahalbidetzen du eguneraketak.
Argia aldizkariak Autodefensa digitala izeneko artikulu interesgarri bat argitara eman zuen gai honen inguruan eta honekin batera mezularitza zerbitzuen konparatiba interesgarri bat.
