Beratik Lesakarako errepidea hartu dugu Eneko Aizpuruarekin batera. Bide horretan egin zuten topo Pio Barojak eta Jose Ariztimuño Aitzolek, 1936an. Zer esan ote zioten elkarri?
Oinez abiatu dugu seigarren Bidasoan gora atala eta bi pertsona azaldu zaizkigu: Berako idazleen artean ezagunena, Pio Baroja eta Jose Ariztimuño Aitzol ezizeneko idazle, kazetari eta euskal kulturaren pizkundearen bultzatzailea. Txingudiko badiatik Xorroxingo iturbururaino, Bidasoa ibaian gora oinez bidaia egiten ari gara hamabostean behin Irrintzi Plazan idazlearekin batera. Elkar argitaletxearekin kaleratu duen Bidasoan gora liburua dugu bidaide.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.