Agure batek kontatuko du istorioa. Anerri izugarri gustatzen zaio dantza egitea, baina debekatuta dago eta, horrek arazo larriak sortuko dizkio. Anerren "alter egoa" da Kaskarot. Bere ingenio eta zentzuaren bidez, egoerari buelta ematen eta arauen aurrean bere adierazpen askatasuna lehenesten erakutsiko dio Anerri. Gartxot Unsainek idatzi du 'Kaskarot' antzezlana.
Maryse Urruty, Natxo Montero, Jon Koldo Vázquez eta Gartxot Unsain bera ariko dira Iturramako civioxeko oholtza gainean larunbatean. Adin guztietako ikusleentzat pentsatutako antzezlana, 18:00ean hasiko da. Sarrera doakoa da, baina aldez aurretik izena eman behar da edozein civivox, pamplonaescultura.es atarian edo 010 telefonoan.
