Txantrean egunotan egiten ari den Haur Literatura eta Ilustrazio Jaialdia amaitzear dago. Abenduaren 26az geroztik fantasia aldarrikatze aldera, ipuin kontaketak, jokoak eta hamaika ekitaldi desberdin burutu dituzte Txantreako plaza eta kaleetan.
Ostegun honetan, arratsaldeko 17:30ean aurkeztuko dute Leire Urbeltz marrakilariak jaialdi bitartean egin duen horma irudi erraldoia. Magdalena kaleko 10garren zenbakian dago egina eta ekitaldian, artistak murala sortzeko eta egiteko prozesua azalduko du. Baina lan honetan Leire Urbeltz ez da bakarrik aritu eta auzoko haurren laguntza izan du, Kontalariak elkarteko Belen Alvarezek azaldu digun bezala. Eta ostiral arratsaldean izanen dira azken ipuin kontaketak eta 19:00etan, Jo & Swiss Knife taldeak itxiko du jaialdi honen lehen edizioa.
