Kontsumo arduratsu baten alde, Artisautza Azoka antolatu dute Geltokin ostiral, larunbat eta iganderako. 11 postutan izanen dira oihalgintza, oinetakoak, bitixiak eta beste hainbat gai lantzen dituzten bertako artisauak. Alazne Juaniz jostunak Metropoli Foralean adierazi digun bezala, halako azokak ezinbestekoak dira artisauentzat, baina pandemia dela eta jarraitzen dute halakorik egin ezinik.
Ostiral arratsaldetik aurrera salmenta postuez gain bestelako ekimenak ere: Zergatik artilea? Artileari buruzko hitzaldia eta mikro-tailerrak: Kanzashi edo oihalezko loreak egitekoa, edota kandelak, txotxongiloak, bitxiak edo landaketak egiten ikasteko saioak. Baina horiek guztiak dagoneko beteak daude. Soilik plaza pare bat gelditzen dira 12 urtetik aurrerakoentzako txalaparta oinarrizko tailerrerako. Hori ostiralean eginen da 18.30etatik aurrera, baina erne ibili, oso toki gutxi dago eta. 11, 12 eta 13an, beraz artisautza azoka Geltokin.
