Palabra gitana (Ijitoen hitza) izenburuko proiektua jarri dute martxan Gaz Kalo federazioak eta Labrit Multimediak lankidetzan. Ijito zaharren memoria jaso, gorde eta zabaltzeko helburua du lanak. Nafarroa osoko zortzi pertsona aukeratu dituzte, horretarako. Irailean hasi ziren elkarrizketak egiten. Pandemiak ahalbidetzen badie, azaroan amaituko dituzte grabazioak, eta ondoren ikerketa bibliografiko eta dokumentala abiatuko dute. Datorren urte hasieran, ‘Ijitoen hitza’ proiektua bukatu eta gero, transmizio lana eginen dute. Aurreiritziak apurtzeko ariketa izanen delakoan da Abel Castillo.
