Birusak osasunean duen eraginari buruzko beldurrak, familiako kideen kezkek, isolamendu sozialak, arazo ekonomikoek eta ziurgabetasunak larritasuna eragin du gizartean. Eta horrek ondorioak izan ditu pertsona batzuen osasun mentalean, eta areagotu egin dira nahasmendu batzuen kasuak eta larriagotu beste batzuk. Egun bizi ditugun emozioei buruz aritu da Irrintzi Plazan Elena Olaiz psikologoa.
Orainean bizitzeko gomendioa eman du Euskalerria Irratian. “Norberak bere kabuz dituen emozioak azaleratzeko tarte bat hartu beharko luke, bere kabuz. Gainontzekoekin beste gai batzuekin solastu beharko genuke, hurbilekoak ez mintzeko”. Norberak bere burua zaintzea garrantzitsua da garai honetan Olaizen ustez: “Gustoko duzun hori egiteko tarte bat hartu beharko genuke, errutinaz harago”.
