Euskalerria Irratiak kanala abiatu du Telegramen

Euskalerriairratia.eus orainkarian nabarmendutako albisteak, azken orduko berriak eta podcastak eskainiko ditu kanalak.

Euskalerria Irratian landutako informazio beste bide batetik jasotzeko aukera izanen da denboraldi honetan. Hedapen kanala sortu du irratiak Telegram aplikazioaren barruan, @euskalerriairratia izenarekin. 

Euskalerria Irratiaren Telegram kanalaren informazioa jasotzeko, aplikazioa telefonoan instalatuta eduki behar da (eskuragarri dago Android, iOS eta Windows Phone telefonoetarako). Gero, bi modu daude kanalari jarraitzen hasteko: Telegram aplikazioaren bilatzailean @euskalerriairratia erabiltzailea bilatu eta jarraian kanalarekin bat egin, edo kanalera zuzenean eramango zaituen estekan klikatu, t.me/euskalerriairratia, eta kanalera batu.