Europar Batasuneko 27 herrialdeek onartu berri duten laguntza funtsaz hitz egin dugu Mikel Irujo Nafarroako Gobernuaren Kanpo Ekintzarako Zuzendari Nagusiarekin. Historikotzat hartu du akordioa eta Europar Batasunak trantsizio ekologikoari eta digitalari emandako garrantzia azpimarratu ditu .
Espainiak 140.000 milioi jasoko ditu, horietatik 72.700 diru laguntzak izango dira, eta 67.300 mailegu. Nafarroak jasoko dituen laguntzen aurreikuspena egiteko goizegi dela aitortu du Irujok, baina hala ere lanean hasteko unea dela ohartarazi du.
Madrilen erabakiko da erkidego bakoitzari zenbat egokitzen zaion eta beraz Madrilen eginen beharko da presioa Irujoren aburuz. "Madrili Nafarroaren parte hartze aktiboa exijitu behar diogu orain". Iritsi daitekeen zenbatekoa handi izan daitekeelako, gainera. Dena den oraingoz akordio politikoa baino ez dela ohartarazi du Irujok.
