Auzo gaztea da Mendillorri eta oso ohikoa da gazte koadrilak han eta hemen ikustea. Egoera bestelakoa da, ordea, egunotan. Gazte gehienak konfinaturik daude Covid-19 gaitza geldiarazteko helburuz. Iruñeko Alde Zaharreko taberna giroan uztailaren 11an izandako agerraldiak gogor jo du auzoa, eta asko dira kutsatu diren Mendillorriko gazteak. "Kalean ez da gazterik ikusten, gazteak etxean daude", aitortu du Xabi Senosiainek Guardasola saioan.
Bestelako mezuak zabaldu dira, ordea, egunotan hedabideetan. Auzoaren izena "zikintzeko" egindakoak direla iritzi dio Senosiainek eta agerraldiari ezarri zaion izenak laguntzen ez duela uste du. Egoera azkertzeko bilera zenbait eginen ditu elkarteak gazteekin.
Agerraldiak ondorioak izan ditu auzoan. Atzo ziren hastekoak Bideberri elkartearen udalekuak, baina egoera dela eta, bertan behera utzi dituzte behin behinean. Gaur aztertu dituzte alternatibak Osasun saileko ordezakariekin.