Itxialdia ezarri eta berehala hasi ziren lanean Nafarroako Ikastolen elkarteko pedagogia alorreko langileak. Irakaskuntza digitalera egokitzea “prozesu bat” dela azaldu du Irene Lopez-Goñik Irrintzi Plaza saioan. Eskarmentutik iradokizun dekalago bat zabaldu zuten ikastoletan. Aholku horietako batzuk azaldu dizkigu.
Esate baterako, egoera afektiboa eta emozionala kontuan hartu behar dela ikusi dute itxialdia bitartean. Eredu presentzialean errazagoa da hori egitea irakasleentzat, on-line ereduan zailagoa da, baina “askoz garrantzitsuagoa”. Saioak asanblada moduko batekin hasteko gomendioa eman du Lopez-Goñik. Hik Hasi aldizkarian bildu dituzte gehiago.
