Lau pertsona sartu daitezke egun aldi berean Jauntsaratzeko Apeztegiberriko dendan. Basaburuako denda bakarra da, eta egun Ernaizu kooperatibak zabalik duen zerbitzu bakarra. Denda ondoan dagoen taberna eta Orokietako ostatua itxita dituzte momentuz. "Bigarren fasean zabalduko ditugu", azaldu du Gerendiainek Irrintzi Plazan.
Basaburuako biztanleentzat topaleku da Apeztegi berri, eta itxialdian ere hala izaten jarraitzen du: "Bakarrik bizi den jende asko dago, norbaitekin egoteko beharra dute, eta agur bat esatera etortzen dira dendara".
