Iturrama auzoko azken hamar urteotako historia jaso dute 'Itzaletik argira' dokumentalean. Iruñeko auzoak jasan duen errepresioa eta zapalkuntza ezagutzera eman nahi dute, baina baita auzoak erakutsi duen indarra eta borroka ere. Joseba Compains eta Iker Araguas egileak izan dira Irrintzi Plazan.
2018ko irailean atera zen Iturramako bizilagun Hodei Ijurko espetxetik. Ordutik hona Iturrama presorik gabeko auzo bilakatu da. Baina preso kopuru handia izan duen auzoa da Iturrama. 2008ko 2010era hamar preso izatera iritsi zen auzoa. 2008an atxilotu zuten Araguas, Segiko kide izatea leporatuta eta kale borroka egotzita. Bederatzi urte egin ditu espetxean, Iturramatik kilometro luzera.
'Itzaletik argira' dokumentala bihar estreinatuko dute Iturramako Civivoxen, 18.30etatik aurrera.
