Aurten 1295 lan aurkeztu dira gaztelaniaz eta 18 euskaraz.
Gaztelaniaz “Miedo al agua”, Tarragonako Segur de Calafell herritarra den Andrés Morales Rotger idazlearena izan da saritua.
Egile bakoitzak 2.500na euro jasoko ditu.
Goiatz Labandibar Arbelaitz (Oiartzun, 1985). Kazetaria da ikasketaz eta ogibidez; Oarsoaldeko Hitza-n ibilia da eta gaur egun Oiartzungo Udaleko komunikazio arloan dihardu. Gazte mailan hainbat literatura-sari irabazi ondoren, bi liburu plazaratu ditu: Geltokiak edo helduta entzuteko abestiak (2013, Elkar) Igartza Sariari esker argitaratua eta Fotogramak (2016, Elkar). Azken honetan hamabi narrazio idatzi ditu, argazkilari poloniarrek eta euskaldunek egindako beste hainbeste irudi oinarri hartuta. Donostia 2016 Fundazioak Poloniako Wroclaw hirian egonaldi artistiko bat egiteko aukeratua izan zen eta han mamitu zuen liburu hau.