Mendillorriko jaiak hasiko dira gaur eta txupinazoa piztuko dute arratsaldean. Jai batzordeko kide Gorka Bidartek eman dizkigu xehetasunak. Ikasturte berria hastera doa ikastetxeetan eta kurtso berrirako matrikula epea ere zabalduko da aurki, besteak beste AEKn. Asier Biurrunek eman digu horren berri. Huescaren kontra jokatuko du Osasunak asteburu honetan, 50 urte betetzen dituen Sadar futbol zelaian. Partiduaren aurreko kronika jaso dugu Iñaki Berastegi kazetariaren eskutik. Asteburu honetan amaituko da Iruñeko harresiak ezagutzeko bisita gidatuen sasoia. Irailaren 3ra arte, hiriaren ondarea, historia, eta harresiak ezagutzeko aukera paregabea. Horren berri ematera etorri zaigu Turismo ataleko buru Maria Bezunartea.