Biurdana institutuaren arazoez arduratu dira Parlamentuan; zuzendaritzak esan du bi ikasturte barru ez duela gaitasunik izanen "ikasle uholdeari" aurre egiteko; gorputz heziketa egiteko "pistak estaltzea" 2015erako lehentasuneko azpiegituretan sartzeko eskatu diote Hezkuntza Departamentuari. Iruñeko Udalak azken unean baieztatu du 12.000 euroko laguntza emanen diola Olentzerori. Osasuna futbol taldeko presidente izateko hautagai bakarra da Luis Sabalza; hiru bazkidek helegiteak jarri dituzte hautagaitzaren aurka. Hasi da Durangoko Azoka; Euskadiko Orkestra Sinfonikoak kontzertua eskainiko du gaur Baluarten; bihar eguerdian Iruñean Kantuz.
