Astobizak argi du, “feminismoaren alorreko edukiak behar zuen toki bat eduki berarena bakarrik”, eta hori izango da Leiho Morea. Batetik “ikusgaitasun handiagoa” izateko, eta bestetik, kontsultak egin ahal izateko; kontsultarako baliabide bat eta edukiak ulertzen laguntzeko baliabidea da.
Hiztegi terminologikoa bat eta kontsultak egiteko idatzizko zein ikus-entzunezko edukien corpus bat biltzen ditu bildumak, eta gainera, bilduma bizia da; iturri berriak barneratu nahi dituzte eta aurrerantzean argitaratzen dena gehitu.
Ez da zerotik abiatzen den egitasmoa. Lehen atala 2020an aurkeztutako Feminismoa eta Berdintasuna Hiztegiaren jarraipena da, oinarrizko kontzeptuak bildu ziren hartan.