ERREPORTAJEA

Hemingway ez zen lehena izan

Pello Argiñarena eta Bidane Beloki 2025ko eka. 5a, 13:44
Deskargatu Info Ahotsak :
Español English Français Català Galego

Felix Urabayen idazleak El barrio maldito izenburuko liburua plazaratu zuen 1925ean. Sanferminetan giroturiko lehenbiziko nobela izan zen. Hemingwayk idatzitako The Sun Also Rises eleberria baino urtebete lehenago ikusi zuen argia egile nafarraren idazlanak. Liburua argitaratu zenetik mende batera, Aingeru Epaltzak egin du itzulpena. Horren emaitza, Auzo madarikatua eleberria.

Aingeru Epaltzak euskaratutako Auzo madarikatua  lana aurkeztu dute Iruñeko Liburu Azokan eta bertan, erreportajea egiteko parada izan genuen eta itzultzaileari elkarrizketa egin genion. Iruñerriko Komunikabideak Fundazioko Fermin Erbiti eta Pamiela argitaletxeko editore Lander Majueloren hitzak ere jaso ditugu.

Auzo Madarikatua liburua IKF fundazioaren ekimenez ekarri dute euskarara. Aitzinsolasa, fundazioko kide Fermin Erbitik eta Kike Diez de Ulzurrunek idatzi dute. Narrazio honetan, Pello Mari Etxenike arizkundarra da protagonista. Liburuak bi kokagune ditu: Baztan eta Iruñea. Auzo madarikatua Arizkungo Bozate da, bertan kasta baztertua bizi baita: agotak. Beste gai nagusia, Iruñeko jaiak dira.

Ekainaren 10ean Zaldiko Maldikon aurkeztuko dute liburua Aingeru Epaltzak, Fermin Erbitik eta Kike Diez de Ulzurrunek.

Gizartea Iruñea

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!