Iruñeko Udalarekin elkarlanean diseinatu dute 'Taldeka' Mcguinnessek eta Oterosek. Proiektuak hainbat jarduera biltzen ditu, besteak beste, tokiko artistekin topaketak egitea eta erakusketak eta kultura-ekitaldiak bisitatzea.
Elkarrizketarako eta sorkuntza kolektiborako espazioak sortuko dituzte, eta parte-hartzaileek aukera izango dute jarduera kulturalak proposatzeko, ideiak partekatzeko eta proiektu artistikoetan parte hartzeko. Betiere, antolatzaileek nabarmendu dute taldearen nahietara egokitu eta moldatuko dituztela jarduerak.
Urriaren 10ean hasi eta ekainaren 15ean bukatuko da programa, ikasturtea amaitzearekin batera. Izen emateko epea urriaren 14ra arte luzatu dute, beraz oraindik zabalik dago. Edozein informazio edo zalantza argitzeko taldeka.programa@gmail.com helbidera idatzi.
