Nafarroako Enpresari Gazteen Elkartearen ardura hartu zutenetik, Adriana Eransus zuzendariak eta Oihane Larrañegi proiektu arduradunak argi zuten elkartearen ateak zabaldu nahi zituztela, jendearengana hurbildu, autonomo izateak dakarren bakardadea pairatzen lagundu. Hala, duela lau urte hasitako bideak Iruñeko kale Nagusira eraman ditu.
Martxotik, Iruñeko Udalak utzitako bost solairuko eraikina kudeatzen dute. "Gure bazkideek izan ditzaketen zalantzak argitzen ditugu, baina ez hori bakarrik. Kuadrila egitea da gure helburua, jendea elkarren artean harremanetan jartzea, sinergiak sortzea". Bilera gelak, hitzaldi aretoak, podcastak eta bideoak grabatzeko espazioak... Bazkideen beharrak asetzeko haina leku eta zerbitzu eskaintzen ditu La Bajerak. Eraikin osoa ezagutzeko parada izan dugu Larrañegiren eskutik.
