Egun, hildako pertsonen %90a erraustu egiten dute. Hori dela kausa, gero eta gehiago dira hutsik dauden nitxoak, lurpeko hilobiak eta panteoiak. Batetik, hiriko pertsona ezagun zenbaiten hilobiak ezagutzeko parada izan dugu: Basilio Lakort anarkista, Paz de Ziganda irakaslea, Nikasio Landa medikua, Luis Morondo musikaria eta Pablo Sarasate gordeta dagoen mausoleoa. Bestetik, Xabi Castrok Gerra Zibilean hildakoak ekarri nahi izan ditu gogora: biktimarioak franko dira eta elkarren ondoan daude; biktimak, berriz, sakabanatuta ageri dira hilerrian. Azkenik, komunitate ezberdinek izaten dituzten errituak aipatu dizkigu Xabi Castrok. Musulmandarrek Mecara begira lurperatzen dituzten haien senideak; ijitoek kantuen eta loreen bitartez ematen diete azken agurra hildakoei; Jehovaren Lekukoek prozesio labur bat egiten dute. Ibilbide alaia egin dugu kanposantuan, loreez eta txoriez inguratura etengabe.