Palestinari elkartasuna adierazteko gutuna idatzi du PAAC Kataluniako artistak biltzen dituen plataformak. Kultur eragileei zuzendu die bat egin dezaten eta kritikoki egoera gaitzetsi dezaten. Baina, zertarako balio du sinadura batek? Eraginkorra da? Badago beste biderik elkartasuna eta babesa adierazteko kulturaren mundutik?
Erakundeen, artisten eta kultur eragileen erantzuna hizpide. Zer egin daiteke sorkuntzatik? Eztabaida zabaldu dugu Oskia Ugarterekin, izan ere, Uharteko Arte Garaikideko Zentroan mahai-gainean jarri dute auzia, eta, bide instituzionaletik ez ezik, artistekin aztertuko dute. "Guk lurra prestatu behar dugu", dio Ugartek, hori da momentuz, haien eragin eremua.
