Kirol sektorerako hitzarmen duina nahi dute langileek, 2020az geroztik, izoztutako hitzarmena dute-eta. Langileen ordezkariak sei aldiz elkartu dira patronalarekin, baina blokeaturik dago negoziazioa, "proposamena aldatzeko "borondaterik ez dutelako enpresek". Hala azaldu zion Euskalerria Irratiari CCOO sindikatuko Unai Alavak.
Patronalaren azken proposamenak %3,5eko soldata igoera aurreikusten du. Langileen aburuz, ez da igoera nahikoa eta KPIaren araberakoa galdegin diote. Sedena, Urtats, Gesport eta Soysana enpresen esku dauden kirol-kudeaketako instalazioei eragiten die lanuzteak, CCOO, ELA, LAB eta UGT sindikatuek zehaztu dutenez.
ITXITAK / Cerrados:
— LABzerbitzu nafarroa (@labzerbitzunafa) October 18, 2022
- Guelbenzu
- San Jorge
- Centro cultura Aranguren
- Caparroso
- Peralta
- Zizur Nagusi
- Tudela
- UPNA
- Lagunak: piscinas eta spa
- El kubo
- Huarte: limpieza, actividades y sos
- Aranzadi.
- Mendillorri, trinquete
- Burlata
- Sarriguren (solo un currela) pic.twitter.com/z2G3mCn4Ix
Akordioa, Orkoienen
Sektoreko greba mugagabea hasi baino ordu batzuk lehenago, LAB sindikatuko langileen ordezkariek, plantilla osoaren bermearekin, akordioa lortu dute Orkoiengo kiroldegia kudeatzen duen Iturgain enpresa publikoaren zuzendaritzarekin. Akordioak, besteak beste, KPIren gaineko soldata igoerak ziurtatzen ditu. Ontzat jo du sindikatu abertzaleak, ohar bidez: "Sektoreko aldarrikapen guztiak lortu dira: soldaten igoera KPIaren gainetik, urteko lanaldia 16 ordu murriztea eta bajen osagarria, gaixotasun arruntagatik edo lanagatik, %100 izatea. Gainera, lanaldi partzialeko langileen lanpostu hutsak arautzeko eta beste lan gai batzuk hobetzeko konpromisoa ere hartu da, sektorea hobetuko duen enpresa hitzarmen bat sinatuz".
Hobekuntzak lortu ahal izan badira, bertako langileek grebarekin bat egiteko erakutsi duten asmo irmoarengatik izan dela uste du sindikatuak. "Gainontzeko kiroldegietan ere posible izanen da", aurreikusi dute.
